اشو هو أحسن واقي شمس استخدمتيه ؟؟؟

**::قصـــــايد::** · 2007-11-24, 16:02

مرحباااااااااااا خوااااااااااااتي

ياليت هنيه كل وحده اتفيدنا اشو هو أحسن كريم واقي ضد أشعة الشمس استخدمته ؟؟؟
والله لو اتشوفون شمس الجامعة واللي مسوتنه فينا هههههههههه غاديات بلونين كل وحده فينا ايدينها لون وويها لون وجسمها لون هيهيهيهيهي ...

الله يعيييييييييييييييين

يللا خواتي اتريا مشاركتكن ...

**رعبوبة العين** · 2007-11-24, 16:27

مرحبتين السااااااااع .. ^^

هههههههههههه .. والله يخبرني بنات الجامعه .. بمعانتهن .. حتى يوم اشوفهن اقولهن بلاك مسودات..

أنزين حبوبه ..

شوفي ..انا قبل استخدم .. ماركة ايفان .. قوة الواقي 50 بس حبوبه يوم بتروحين الصيدليه .. خبريهم قوليهم ماريد يكون فيه كررررريم اســـــــــــــــــــــااااااس لانه يضرر

اما احينه استخدم .. واقي من الشمس .. من ديــــــــــــوور وايد حلوو .. ويعطي شوي لمعه .وخفيف .. ومافيه كريم اساس .. وقوته 50 .. بس شو مشكلته انع عبوته صغيرره .. فما استخدمه خق ايدي ولا رقبتي ..
بس مخصصتنه حق ويهي ..

أنزين ف اشتريت .. واحد ثاني واقي من الشمس من سباميد .. قوته 50 .. حق ايدي ^_^

واي سؤال انا حاضره وفي الخدممممممممه ^_^

خويتج رعبوبة

**::قصـــــايد::** · 2007-11-24, 16:33

تسلمييييييييين ختيه رعبوبة العين ..

بس يا علني فداج مب أحسن اذا فيه كريم أساس ؟؟؟ عسب ما اظطر اني احط فوقه كريم اساس احس بلعوز الدنيا ..والا اتشوفين اني أحط الكريم الواقي وفوقه بودره وبسس؟؟؟

والا اشو ؟؟؟ههههههه اتمنى اني ما ثقلت عليج ختيه ^___^

**رعبوبة العين** · 2007-11-24, 17:04

لا افا علييج .. حبوبه .. لا ثقل ولا شيء ..

الشيخه .. احم انا بشور عليج بشور .. بس اخافه يكون .. ثقيل عليج او ماتحبين شوري ..شوفي إللي يعيبج ..

سمعيني .. لا تستخديمن كريم واقي من الشمس وفيه كريم اساس نصيحه مني لج لاني اعرف انه ضار

بخبرج بسالفه ...

مره خطفت وشريت من الصيدليه .. كريم اساس ونسيت اخبر الصيدلي .. اني ماريد يكون في كريم اساس وكنت مستعيله .. فريت الفلوووس وظهررت .. حتى مامدالي .. اشوف لون العبوه .لاني من لونها بعرف انه فيه كريم اساس ..
المهم بالباجر كنت رايحه بوظبي يوم انتبهت على العبوه.. انه فيه كريم اساس .. قلت يالله مره وحده مايضررر
حطيت كريم واقي خلاف حطيت بودره .. وهاي البودره من زمان انا استخدما .. ماكد سببت لي .. مضرره
والله لا يراويج احترق ويهي . والتهب عليه .. قمت اروحي العالجه شوي شوي .. والحمد الله ..

عشان جذا اقولج .. لا تشترين .. وافي وفيه كريم اساس وازييييييييدج من الشعر بيت انا اروحي متخبره خصائية بشره

ف انتي شو تسوين

من فليل .. شفتي مال الثلج .. حطي فيه ماي ورد .. وخليه خاص لج قوليهم ماحد يصكه ..
الصبح .. حطي كريم مرطب .. ع ويهج بسسسس .. خلاف هاتي الثلجه .. ومرريها على ويهج ..
وبعد ماينشف ويهج شوي .. ردي مره ثانيه حطي المرطب .. خلاف حطي واقي من الشمس

خلاف حطي بودره مضغوطه .. لا تستخدمين الكريم اساس,,,إلا في المناسبات في الجامعه الصراحه ماانصحج حبوبه

وبسس ..

هذا إللي عنددددددي

خويتج رعبوبة العين

**ملكة الاحاسيس** · 2007-11-24, 17:15

ببصراحة انا ااستخدم واقي شمس وكذا مرة مجربة انواع من قبل ، بس قد مرة جربت واقي svr بس ما عيبني وايد
بس اخر واقي شمس واخصائي بشرة نصحني فيه هو واقي شمس للبشرة المختلطة ،،
واسمه فوتوديرم للبشرة المختلطة من شركة بيودرما(شركة فرنسية الصنع )..للأمانة نفعني وايد وحافظ على لون بشرة الويه
بس اليدين الله لا يوريكن من السواقة والماي ، اف مسمرة يديني مدري شلون
حتى مرة في الشغل يقولي واحد من الموظفين ليش بشرتج فاتحة ويدينج سمر ؟؟ ( على باله احط كريم اساس)
الله كريم ، والحمدلله على كل حال ..