فوائـــد المحلب للشعر والراس

[بنت الظبيه]

السلام عليكم

معلومه يديده سمعتها عن المحلب في منتدى ثاني انه يطول الشعر ويغذيه ويكثفه .. والمعروف عندنا عن المحلب انه يستخدم للاطفال وقت التسنين يبرد عالراس ويخوز الصدام وآلام التسنين .. وفي بعضهم يطحنون منه ويحطونه علثة الياهل ...
طبعاً انا اول ما عرفت هالشي رحت وخذت منه .. وانا فالمحل شفت حرمه عوده تاخذ منه بكميات كبيره ويوم سمعتني قالت هييييه هذا وايد زين للتسنين ... قلت هاي فرصتي واسألها .. طبعاً هي عندها خبره في هالسوالف .. قلت لها هذا يحطون منه عاللثه صح .. بغمت علي جان تقولي آآآآآآخ هذا دوا ما يحطونه في ثم الياهل .. يطحنونه ويحطونه في زيت الزيتون وعقب تدهنين راس الياهل وبس ...

احينه ماعرفت شو اسوي احطه عاللثه ولا ع راسه ..........؟؟

اللي عندها خبرها ولا عيوزها تعرف هالسوالف تنشدها تفيدنا أكثر .. شو الاصح وكيييف نستخدمه ..

[نونوة المزيون]

انا شريتة بعد بس عندي في كبت قبل قريت انة وياسدر تخلطينة وتحطينة ع راسج مب راس ياهل
بس بعدني ماجربت

[m.m.s]

ولدي ألحين تاكله لثته أسنانة بتطلع إن شاء الله بغيت أعرف كيف أستخدمه له

[((خفايا روحي))]

صحيح
انا بعد سمعت انه يطحن ويستخدم في خلطة الزيوت ..لما له من فوائد ..
وشارتنه من زمان وبعدني ماسويته ..

بسويه على جدام
ان شاء الله

[مراااام]

مااعرفه

[اسمهايت]

للرفع

[(ملكه الساحه)]

انا ما قد سمعت يحطونه على للثه الياهل
بس يحطونه على راس الياهل زين في وقت العضيمات