التحذير من حنه الفرد....

**فجر النواعم** · 2010-08-02, 16:06

بنات انا حبيت اوضح لكم صوره حنة الفرد بجميع الوانها .. الاسود و البني و الاحمر الي توضع في الشعر فوق الخمس ساعات ... هي بالاساس مواد كيماويه رخيصة وهي مكوناتها الاساسيه الرصاص و النحاس ومواد كيماويه اخرى عسب تفرد الشعر و تعطي لون ... و تتغطى بالحنا عسب يخفي كل البلاوي و يهون المساله ... من واقع تجاربي مع زبايني
اولا اذا الوحد سوت هالحنة ما اتروم لا تصبغ ولا تعمل هايلايت و لا اي حاجة ابشعرها لان الشعرة بتكون هالكانه واذا صبغتيها راح تحترق ليييييييييشششششششششش عسب كمية الرصاص و النحاس الي فيها عالية فا تتحد مع الاوكسجين و تحترق الشعرة حتي انها تعمل كانسر على المدى .... و بتخبروني عن التمليس الي نحن نستخدمه بالصالون انا اقول لكم انه اخف لانج بعدين اترومين تصبغين عليه ...... عكس الحنة تتريين لما يطول الشعر عسب يروح و تقصينه ..... كل وحدة و كيفها ... بس انا حبيت اوصل لكم هاي الفكرة و في اراء ثانية بعد
ملاحظة: انا ما اطري الحنة الخضرة العادية ...لانها وايد مفيدة للشعر

تحذير*حنة الفرد السوداء للشعر دمرت شعررري

السلام عليكم

هذي تجربتي والله الشاهد
كثير يشوف في المنتديات منتجات جديده اسمها فرد الأعشاب حنا الأعشاب الخ...

المهم أنا وحده من البنات أتمنى شعر ناعم حلو طماعه أصلا شعري كثير وطويل لنص ظهري ونعومته وسط{قولوا ماشاء الله

لكن سمعت عن فرد الشعر بحنة الأعشاب والتاجرات يسوون دعايات لبنات جربوها وصدقت إني بحصل على شعر ناعم وحلو

نقلت تجربتي ليقرأها كل من يريد استخدامها**

المهم*
بنات أنا قبل سنتين جربت حنا الفرد شريتها بميه ومعها زيت
تخلينهابشعرك يوم كامل 24ساعه أو20ساعة
وتحطي الزيت ساعتين

أول شهر بتفرحي بشعرك
نعومه مره
بس ثاني شهر جفاف وتكسر وتساقط رهيب خصل شعرك بتطيح بالهبل بس الحمدلله ما صلعت لأني شعري كثير قسم يابنات أن شعري كان مافي أكثر منه
وانتظرت سنة وراحت الحنا والحين لي سنتين ونص وأنا أعالج شعري صح نبت من جديد وطال مع زيوت وحنا وسدر بس قصيت عشان تروح الحنا
بس ماهو زي أول ولا أعتقد يرجع زي أول

الله لا يسامح كل من تبيع حنا فرد شعر دمروا شعري وشعور
بنات الناس الله يأخذهم آه بس حسبي الله
عليهم يخلطون حديد وخرابيط ويقولون حنا فرد الله المستعان

بنات كل حنا الفرد سوا ماتختلف بختلاف اللي يبيعونها بس واحده تخلط قرفه وحده مسمار وقالوا غير عن حنا الثانية

انصحكم لا تصدقونهم

وبعد يقولون مميزات الحنا*

طبيعه{بالعكس فيها مواد كميائية وحديد مطحون وغيرها ..

لاتساقط الشعر{تصلع الشعر{

تطول الشعر{توقف الشعر نمو الشعر ينمو بطئ وتتلف البصيلات

وغيرها الكثير لو أكتب ميه صفحه ماتكفي{مقهوره بجد يلعبوا على الناس حرام يخربوا شعور البنات
ماعندهم إحساس {الله وكيلهم

وأخيراا إحنا جربنها اربعه من العايله وأنا أقلهم أضرار عاد هم شعورهم راحت فيها**

وشكراا ادعوا لولدي المعاق بالشفاء
ولي بالتوفيق

محبتكم*رحيق الجنة

من تنقل الموضوع تكتبه بأسمي رحيق الجنة

للامانة منقول ...... لان نفس الشيء صار حق وحده من قارابي والله على ما اقوله شهيد ....

تحذير*حنة الفرد السوداء للشعر دمرت شعررري

**kimino** · 2010-08-02, 16:52

هلا حبييبتي شكرا لنقل التجربة بس عن نفسي صار فترة 3 سنوات مستخدمه حنا الكتم فرد شعريه وما تساااقط ولا شعره بس شكلكن تستخدمن حنا فرد لونها اسود ...لانه اللي استخدمتها لونها اخضر شرات احنا ..وشعريه مايحتاج استشوار ولاشي

الحمدلله اني ما استخدمت اللي تقولن عنااا

**kimino** · 2010-08-02, 16:54

هلا حبييبتي شكرا لنقل التجربة بس عن نفسي صار فترة 3 سنوات مستخدمه حنا الكتم فرد شعريه وما تساااقط ولا شعره بس شكلكن تستخدمن حنا فرد لونها اسود ...لانه اللي استخدمتها لونها اخضر شرات احنا

الحمدلله اني ما استخدمت اللي تقولن عنااا

**لمسة الاناقه** · 2010-08-02, 18:15

للرفع

**ام شوق وعزوز** · 2010-08-02, 19:04

نوع عن نوع يفرق غناتي وجزاج الله خير

**قمر الزمن** · 2010-08-02, 20:04

لااله الا الله محمد رسول الله

**بايخه** · 2010-08-02, 20:29

عزيزتي فجر النواعم.. اشكرج على طرحج للموضوع.. كلامج صحيح مليون بالميه.. انا بعد ابوعين قام شعري يطيح ومن فتره حاولت اصبغ احترق شعري القديم .. ذاب والله.. بس الشعر اليديد انصبغ..
في ذمتهن هالتاجرات اللي ينصبون عالبنات عشان الفلوس..
الحينه اتريا شعري يطول عشان اقص الشعر المصبوغ بالحنه واخلي الشعر اليديد..

الموضوع: التحذير من حنه الفرد....

أدوات الموضوع

عرض