كيف اهتم بنظافتي الشخصيه

**القانونيه** · 2011-02-22, 12:45

حبيت افيدكم يابنات بموضوع النظافه الشخصيه وشقايل اتكونين نظيفه ومرتبه مب بس لزوجج لنفسج لانه هالشي يودي للراحه النفسيه والحين بعطيكم البرنامج الشبه يومي الي اسويه والحمدلله انا مستانسه منه :-
1- افضل دايما قبل اخذ الشور اني استمتع وانا اتسبح يعني اشغل لحن معين احب اسمعه وانا فيني طبع اني ما اسكر باب الحماام
2- النظافه الشخصيه وايد مهمه لي فافضل اغسل المنطقه الحساسه بصابون (سايتل ) رغم انه ريحته نفس المطهر وبععد فيني طبع كل ماروح الحمام وانمتوا ابكرامه اتغسل به رغم انه ايقولون مب زين الوحده تغسل بالصابون وايد
3- وبعدين ماحب ايكون في جسمي نقطه شعر فانا اشل شعر جسمي باستمرار ما اخلي ايعشش يعني مختصر مفيد اشخطه ابموس ولكن تحت الباط والمنطقه الحساسه امسويه ليزر بتقولولي حرام بس انا سويته لاني كنت اعاني من مشكله ان الشعر يظهر عندي بالمجلوب ويطلعلي حبوب وبعدين نفس الخراج ولكن من يوم ماسويت الليزر انحلت مشكلتي الحمدلله وطبعا كنت اشل بالحلاوه وبالبران وبكل الطرق بس ماكان فيه فايده
4- انزين الادوات الي احب استخدمها وقت السبوح انا مزاجيه فاحب كل يوم شي ما ارسى على شي واحد احب شامبو (ترسيمي - فكتوريا سكرت - شورفكوز ) واحب احطي عطر خاص للشعر بعد من (فكتوريا سكرت - شانيل - وماركه ماعرف شوه اسمها ) اما بالنسبه للجسم اموت في شي اسمه ( ليفه مغربيه - سكراب - صابون اليمون - شورجل )وانواع الشور جل الي اتخبل عليه وايد (شورجل فكتوريا سكرت - كلفن كلاين - كاميه الوردي - ودوف المقشر -وبيري بودي شوب وماركات وشورات ماعرفها المهم كل انا انوع حسب المزاج يوم فروت يوم عطر يوم لافندر ومرات فانيليا حسب المزاج
5- الحين ينا لوقت السبوح ومثل ماقلتلكم انا وايد استمتع في وقت السبوح كل يوم بالذات احسن وقت عندي فليل قبل لا انام عشان انام وجسمي خفيف ومرتاح الموهيم اول شي اغسل جسمي بالماي الدافي واغسل شعري بالشامبوا مرتين وبعدين احط البلسم وقبل لا اغسله ايب اليفه وصابون اليمون احج فيها جسمي واركز في المناطق الي تكثر فيها التعرقات وبعدين اغسل جسمي بالماي وبعدين سكراب وبعدين شور جل وبعدين خلاص طبعا اجفف جسمي وبعدين احطي بودره على جسمي واشويه بدي سبري وعطر الشعر وكريمه ترسيمي على شعري وايد احب المسك لعبد الصمد القرشي هم نوعين الصبلب والسائل وانااحب النوعين طبعا احطه على المناطق الحساسه وبعدين اتدخن ولازم ابعوده عسب نفسييتي ترتاح وعطر ريحته خفيفه
6- وبعدين اني للا سنان لازم افرش اسناني بعد كل وجبه وما انسى تفريش اللسان والغرغره وايد مهمه عندي ريحه الفم
7- وبعدين اللبس ملابس مريحه مثل شورت وتي شيرت او قميص نوم حرير طبيعي الموهم احب حتى وانا راقده اكشخ عشان اكون مرتاحه واتجحل واحطي قلوز خفيف او مرطب واحب اكريم ايدي وريولي وما انسى قبل لا ارقد اقرا القران واطرش برودكاست عسب اكسب اجر هيه نسيت وابوس عيالي فديتهم واصك الليتات واشعل شمعه في زاويه الغرفه عسب الرومانسيه وحبيت اقولكم شي انا من الحجم الكبير يعني دبدوبه بس والله عمري ماقصرت على نفسي رغم اني ماحب جسمي بس دايما احب اكون مرتبه وادورقمصان النوم الي على مقاسي او افصل ما اقول مافي والبس جلابيه قطن وارقد لا ادلع نفسي خو العمر ايخلص متى بسوي كل هذا الموهم حبيباتي هذا جدولي وللحديث بقيه والي عندها اي استفسار تستفسر واتمنى انكم اتطبقون هالشي وبتشكروني احبكم وايد خواتي